之前sem break个排我去咗帮一个韩国护请品牌广告做韩文翻译，主要嘅工作除咗现场翻译之外，就係同啲韩国model倾计等佢哋无咁闷（係真架），两个女仔走埋一齐自自然就会讲起保养呀、护肤心得。嗱，因为我係近距离见，而且见到佢哋未上妆前个样，所以係确定佢哋算係皮肤好嘅，咁我就好奇佢哋嚟到香港之后，应该唔会特别搵피부관리 （皮肤管理，亦即香港嘅facial）做，咁点保养好皮肤呢？

model就话因为自己皮肤比较乾，所以本身嚟到香港溼度比韩国高已经好咗，只係做返基本skin care就得，讲到呢到嘅时候佢突然醒起啲咩咁，话有只牌子skin care product超级好用，呢个brand无代言人，因为佢觉得好好所以介绍哂比佢身边啲朋友用。

佢一边search一边问我concern咩问题，我话暗疮问题，佢就话叫我用呢只：

佢好似超级熟悉呢个品牌啲产品咁，每show一个都讲得出佢係有几好用，呢个overnight mask又係佢用好夸张表情话，用完第朝真係变即刻容光焕发咗！

结果我就去买咗呢三样嘢嚟试下啦！

一支toner，一盒overnight mask同一盒cream！

喺片到有讲到我keep住用呢系列用咗一个星期多，整个皮肤质感有健康咗嘅感觉，暗疮问题都有改善到，而令人惊喜嘅係overnight mask敷完第二朝真係有白咗，去黄嘅效果！

佢比嘅试用装我都全部带哂去trip，短时间内係又冻又乾嘅韩国补水。

佢嘅First Aid Overnight Mask有分好几个line，我就拣咗有去黄功效嘅Skin regenerating 呢只。

而Cream方面佢哋有两只皇牌产品，分别係紫芹26hr润泽炸弹霜(Moisturizing bomb) 同斗篷草高效水分炸弹霜（Aqua bomb），前者係润啲，后者係清爽啲，我买嘅时候因为怕出trip去韩国时太乾，所以就拣咗润泽炸弹(Moisturizing bomb)，但返嚟香港用感觉真係有啲太润，所以我觉得香港用水分炸弹霜（Aqua bomb）会好啲。

讲返其实belif係一个纯天然草本植物品牌，佢运用英国草本植物学专家Ducan Napier针对现代人皮肤问题而技术嚟研发出黎嘅一系列产品，呢个品牌係台湾、韩国都非常受欢迎（话说我之后去另一个韩国人屋企拍摄时，佢都有几支belif嘅产品，一样话好好用）。

佢嘅包装一啲都唔夸张，反而带点英伦风嘅朴实设计比到人专业嘅感觉，或者就係呢个品牌嘅低调令人更有信心，回购度十分高，特别係补水cream，紧有一盒旁身嘅！以后讲起韩国品牌，就要记埋呢个牌子啦～

紫芹26hr润泽炸弹霜(Moisturizing bomb) HKD 350

水分炸弹霜（Aqua bomb）HKD 350

Green Toner HKD 250

 

购买tips ＊＊＊係韩国买係平啲架！！ 特别係去乐天免税店：

如果你识用埋啲coupon，计返约有八折，即係约HKD 173就可以买到Moisturizing bomb啦！

Belif 在香港的销售点：

专柜地址： 旺角朗豪坊Beauty Avenue L2 Tel: 3107 9368

铜锣湾时代广场连卡佛 Tel: 2110 0131